Aktivitetar til Familien Gnork

 

Desse aktivitetane er laga i samarbeid med Nynorsksenteret.  

–

– Lag din eigen «Familien Gnork». Ver kreativ og litt «kreizi». Korleis er familien? Korleis ser faren ut? Kvar bur dei? Har dei naboar? Bur dei i eit rart hus, kanskje? Kva heiter dei? Berre fantasien set grenser. Teikn, skriv og fortel. 

–

 - Teikn eit nytt omslag til utdraget. Heng dei opp i klasserommet. Grunngje kvifor du har teikna som du har gjort. 

–

– Gå ut og spel litt fotball, heile klassa i lag. Men først må de lage eigne reglar.  Kva må til for at det skal vere kjekt for alle? Det treng ikkje vere dei vanlege fotballreglane, heller – kanskje det blir mange tullereglar som å bruke berre éi hand eller alltid ha ei hand i bakken? To og to lagar forslag til minst éin regel, og så samlar de alle på tavla og stemmer over dei. Så må de prøve ut reglane. Fungerte reglane slik de hadde tenkt?

–  

Lag rommet til Kompis Gnork i ei pappkasse. Møblane kan du også lage i papp. Om du har 3D- skrivar, kan du skrive ut nokre møblar. Du veit at Kompis Gnork har ein slange, men kva andre dyr har han på rommet sitt? Dyra kan du lage i plastilin eller trolldeig. Og kvar bur dyra? Dei bur nok ikkje i bur! Og kva slags mat treng dei? På utsida av pappkassa kan du lage små faktaruter om dyra som bur i rommet. Her kan det vere lurt å samarbeide!  

–

 I gamle dagar brukte elevane å samle fotballkort som dei kunne byte med kvarandre. Lag eigne fotballkort med bilete av fotballspelarar du likar – eller ikkje likar. Du kan godt ha med Tom, Kompis eller Preben frå Familien Gnork. Du må ha med: Namn, alder, bilete, lag, drakt, flagg og ferdigheiter. Kanskje spesielle kjenneteikn?  

–

Finn ut fakta om favorittslangen din. Teikn eit bilete, og skriv ei faktarute til teikninga. Om du vil, kan du lage biletet i naturleg storleik. Kor stor er verdas minste slange? Og kor stor er verdas lengste slange?  

–

Likte du denne boka? Prøv disse:

Full bajas av Ingunn Thon, illustrert av Maja Kjellstad Aanonsen